ಒಲವು ತುಂಬಿ ಕವಿತೆಯ ಮೂಡಿತು
ನೆನಪು ಅದರಲಿ ಪದಗಳ ತುಂಬಿತು
ಮೌನರಾಗವು ಮನಬಿಚ್ಚಿ ಹಾಡಿತು
ಅದರಾಲಾಪನೆ ಇಂದು ನನ್ನ ಕಾಡಿತು

ಕೋಟಿವರುಷದ ತಪಸಿನ ಫಲವೋ
ಎಂಟುಸಾವಿರ ದಿನಗಳ ಛಲವೊ
ಅಥವಾ ನನ್ನ ಮನದ ಒಲವೊ
ಸೆಳೆದೆ ನೀನು ಅಂದು ನನ್ನ ಮನವ

ಎಲ್ಲರು ಬೇಡುವ ದೇವರ ಬೇಡುವೆ
ಹೇಳು ನೀನು ಎಂದು ನನ್ನ ಸೇರುವೆ
ಏಕೆ ಬಂದು ನೆನಪಲಿ ಕಾಡುವೆ
ತಿಳಿಸು ತೀರ್ಪನು ಪ್ರೀತಿಯ ಸೋಲೆ ಗೆಲುವೆ

ಕೂಡಿ ಕಳೆದರೂ ಇಷ್ಟೇ ಜೀವನ
ಪ್ರೀತಿ ಸಿಕ್ಕರೆ ಮಾತ್ರ ಬಾಳು ಚೆನ್ನ
ಪ್ರೀತಿ ನೆನಪಲಿ ಬರೆದೆ ನಾ ಈ ಕವನ
ತಿಳಿಸಿ ನಿಮ್ಮ ಪ್ರತಿಕ್ರಿಯೆಯನ್ನ

ನೀನಾರು


ನೆನಪಿಂದ ನೆನಪಿಗಾಗಿ
ನೆನಪುಮಾಡೋ ನೆನಪಾಗದ
ನೆನಪಲ್ಲ ಇರುವ ನೆನಪಾಗಿ
ಕಾಡುವ ಮಧುರ ನೆನಪೇ ನೀನಾರು

ಮನಸಲ್ಲಿ ಮನಸಿಲ್ಲದೇ
ಮನಸುಮಾಡೆಂದು ಮನಸಕೇಳುತಾ
ಮನಸನ್ನ ಮನಸಿಂದ
ಕೆದಕುವ ಮನಸೆ ನೀನಾರು

ನಗುವಿಲ್ಲದೆ ನಗಲಾರದೇ
ನಗುವಾಗ ನಗುವಾಗಿ ಬಂದು
ನಗುವನ್ನೇ ನಗಲಾಗದಷ್ಟು
ನಗಿಸಿ ಹೋದ ನಗುವೆ ನೀನಾರು

ನಾನು ನಾನಾಗಿ ನೀನು ನೀನಾಗಿ
ನನ್ನಲೊಂದಾಗಿ ಬೆರೆತು ನೀನು
ನಾನಾಗಿ ನಾನು ನೀನಾಗಿ ನಲಿದು
ನಿನೇ ನನಗಾಗಿರುವ ನೀನಾರು

ನಲ್ಲ ನಿನಗಾಗಿ

ಮನಮುಗಿಲ್ಲಿ ನೀನು
ಮಧುವಾಗಿ ಬಂದು
ಪ್ರೇಮ ಸುಧೆಯನಿತ್ತು
ಎತ್ತಹೋದೆಯೋ ನಲ್ಲ ನೀನು

ಬಯಕೆಯ ಸಪ್ತಸಾಗರದೋಳು ನಿಂತು
ಪ್ರೇಮ ಭಿಕ್ಷೆ ಬೇಡಿದ ನನಗೆ ನೀನು
ರುಚಿಗೊಂದು ತೊಟ್ಟು ಇತ್ತು
ಎತ್ತ ಹೋದೆಯೋ ನಲ್ಲ ನೀನು

ನೆನಪಾಗಿ ಕನಸೊಳು ಬಂದು
ಜೇನಂತ ಅಧರವೆನುತಾ
ಮೃದುವಾದ ಮುತ್ತಿಟ್ಟು
ಎತ್ತ ಹೋದೆಯೋ ನಲ್ಲ ನೀನು

ಮೆತ್ತ ಮೆತ್ತಗೆ ಬಂದು
ಮುತ್ತಿಟ್ಟು ಹೋದ ನೀ
ಮತ್ತೆಂದು ಬರುವೆ ನೀನೀಗ
ಎತ್ತ ಹೋದೆಯೋ ನಲ್ಲನೆ

ಸುಮ್ನೆ ಓದಿ

ಒಂದು ವಿಷ್ಯ ಹೇಳ್ತೀನಿ ನೆನಪಿರಲಿ ಈ ಕೆಳಗಿನ ಮಾತನ್ನ ಪ್ರಯೋಗ ಮಾಡೋಕೆ ಹೋಗಿ ಒದೆ ಬಿದ್ರೆ ನಾನು ಜವಾಬ್ದಾರಳಲ್ಲ

ಓದಿ ಆ ಮೇಲೆ ನೀವು ನಿಮ್ಮಿಷ್ಟ

ಹುಡುಗಿನ ಪ್ರೀತಿ ಮಾಡೋಕೆ ಬೇಕಾದ ಅರ್ಹತೆಗಳು

1. ಮನಸ್ಸು ಸುಂದರವಾಗಿರಬೇಕು
ಹಾಗಂತ lux ಸಾಬೂನು ಹಾಕಿ ಉಜ್ಜುತ್ತಾ ಇರಬೇಡಿ
2. ಅಲ್ಪ ಸ್ವಲ್ಪ style ಮಾಡ್ಬೇಕು
ಹಾಗಂತ ರಜನಿಕಾಂತರ ಸಿನಿಮಾ ನೋಡ್ತಾ ಕೂತುಬಿಡಬೇಡಿ
3. ಜಾಸ್ತಿ ಮಾತಾಡ್ಬೇಕು ಭಯ ಕಡಿಮೆ ಇರಬೇಕು
ಹಾಗಂತ ಉಪೇಂದ್ರ ತರ ಅಂತ ಅಂದ್ಕೊಬೇಡಿ
4. ಆ ಹುಡುಗೀನ ಹೊಗಳ್ತಾ ಇರಿ
ಹಾಗಂತ ಇಡೀದಿನ ಹೊಗಳ್ತಾ ಇದ್ರೆ ಬೋರಾಗುತ್ತೆ
5. ಮುಖದಲ್ಲಿ ಮಂದಹಾಸ ಜಿನುಗುತ್ತಾ ಇರಲಿ
ಸುಮ್ಮಸುಮ್ನೆ ನಗಬೇಡಿ ಹುಚ್ಚರು ಅಂದಕೋತಾಳೆ ಹುಡುಗಿ
6. ಆಕೆನ ನಗಿಸೋಕೆ ಪ್ರಯತ್ನಮಾಡಿ
ಕಚಗುಳಿ ಇಡೋದೇನು ಬೇಡ ಜೋಕ್ ಹೇಳಿ ನಗಿಸಿ
7. ಆಕೆ ಕಣ್ಣಲ್ಲಿ ಕಣ್ಣಿಟ್ಟು ನೋಡ್ತಾ ಇರಿ
ನಟಭಯಂಕರ ವಜ್ರುಮುನಿತರ ನೋಡ್ಬಿಟ್ಟೀರ ಭಯ ಪಟ್ಕೊಂಡು ಓಡೋಗ್ತಾಳೆ
8. ಕವಿತೆ ಕವನ ಅವಳಿಗೆ ಹೇಳ್ತಾ ಇರಿ
ಸ್ವರಚಿತ ಕವನಾನೆ ಹೇಳಿ
ಹಾಗಂತ ಅಮೃತವರ್ಷಿಣಿ ಚಿತ್ರದ ರಮೇಶ್ ತರ ಸಿಕ್ಕಾಪಟ್ಟೆ DEEP ಆಗಿ ಯೋಚಿಸಿ ಬರಿಬೇಕಂತೇನಿಲ್ಲ ಹಾಗೆ ಮನಸಿಗೆ ತೋಚಿದ್ದನ್ನ ಹೇಳಿ ಸಾಕು

ಸದ್ಶಕ್ಕೆ ಇಷ್ಟು ಇದ್ರೆ ಹೋಗಿ ಐ ಲವ್ ಯು ಹೇಳಿ ಆದರೆ

ಅವಳ ಮನಸಲ್ಲಿ ಬೇರೆಯಾರಾದರೂ ಇದ್ದಾರ ಅಂತ ತಿಳಿಕೊಂಡು ನಂತರ ಹೇಳಿ

ಹಾಗೆ ಸಣ್ಣ ಸಲಹೆ
16 ರಿಂದ 18 ರ ಹುಡುಗಿಗೆ ಐ ಲವ್ ಯು ಹೇಳೋಕೆ ಸ್ವಲ್ಪ ಸುಲಭ ಯಾಕಂದ್ರೆ ಅವರ ಮನಸ್ಸು ಬೆಳೆದಿರಲ್ಲ ಹಾಗಂತ ಕೈ ಬೆಳೆದಿರುತ್ತೆ ತಿರುಗಿಸಿ ಹೊಡೆಯೋಕು ಮುಂಚೆ ಓಡೋಕೆ ತಯಾರಾಗಿರಿ
18 ರಿಂದ 20 ಇವರಿಗೆ ಜಾಸ್ತಿ ಮಾತಾಡೋರು style ಮಾಡೋರು ಇಷ್ಟ ಆಗ್ತಾರೆ
21 ರಿಂದ 23 ಇವರಿಗೆ ಜೀವನದ ಚಿಂತೆ ಇರುತ್ತೆ ಹಾಗಾಗಿ ನಿಮ್ಮಲ್ಲಿ ಸಮಯ ಕೇಳ್ತಾರೆ ಆಗ ನಿಮ್ಮಲ್ಲಿ ತಾಳ್ಮೆ ಇರಲಿ
23 ರ ಮೇಲ್ಪಟ್ಟು ಇರುವವರಿಗೆ ಮೇಲಿನ ಎಲ್ಲ ಅರ್ಹತೆ ಹುಡುಕುತ್ತಿರುತ್ತಾರೆ

ಮುಖ್ಯವಾದ ಅಂಶ ನಿಮ್ಮ ಜೋಬು ಯಾವತ್ತೂ ತುಂಬಿರ ಬೇಕು ಯಾಕಂದ್ರೆ ಯಾವ ಸಮಯದಲ್ಲಿ ಏನು ಕೇಳ್ತಾರೊ ಗೊತ್ತಾಗಲ್ಲ ಹಾಗೇ ಕೇಳಿದ್ದು ಎಲ್ಲಾ ಕೊಡಿಸಿದ್ರೆ ನಿಮ್ಮ ಕೈಗೆ ಚಿಪ್ಪೆ ಗತಿ ಹುಶಾರು

ನನ್ನ ಇನಿಯನ ನೆನಪು

ನೂರೆಂಟು ಕನಸು ಮನದಲ್ಲಿ ತುಂಬಿದೆ
ಮಾತುಗಳು ಅದರದಲ್ಲಿ ಅಡಗಿ ಕೂತಿದೆ
ಮನವು ಇನಿಯನ ನೆನಪಲ್ಲಿ ಹಾತೊರೆಯುತಿದೆ
ಪ್ರಿಯನನು ನೆನೆಯುತ ಇನಿಯನ ಅರಸುತಿದೆ


ಕಾಣದ ಗಾಳಿಯೆ ಹಾರುತಾ ಹೋಗೆಲೆ
ಕಾದಿರುವೆ ನಾನು ಅವನ ನೆನಪಲ್ಲೆ
ಅವನ ಬಳಿ ಹೋಗಿ ಹೇಳೆಲೆ
ಕಾದಿಹಳು ನಿನಗಾಗಿ ಈ ಕಮಲೆ

ನೀ ನನ್ನ ಜೀವ ಎಂದೆನು ನಾನು
ಪಟಪಟ ಮಾತಲಿ ಮನವ ಕದ್ದುನವನು
ಪ್ರೇಮವು ಸೋರಿ ಜೀವನ ಸೋತಿದೆ
ಆದರೂ ಬಿಡದೆ ನೆನಪುಗಳು ಕಾಡಿದೆ


ಹಾಗೆ ಸುಮ್ಮನೆ ಬರೆದಿದ್ದು
ಕನಸಲ್ಲಿ

ಕನಸಲ್ಲಿ ಆಗಸಕ್ಕೆ ಹಾರಿ
ನೇಸರನ ಸ್ಪರ್ಶಿಸಿದೆನು
ಕಡಲಾಳಕ್ಕೆ ಜಿಗಿದು
ಚಿಪ್ಪಲ್ಲಿ ಮುತ್ತಾಗಿಹೋದೆ

ಕಾಡಿನ ಮರಗಳಲಿ
ಹಸಿರೆಲೆ ನಾನಾದೆನು
ನಾಟ್ಯದ ವಯ್ಯಾರದಿ
ನಲಿವ ನವಿಲು ನಾನಾಗಿಕುಣಿದೆ

ಕೆಸರಲ್ಲಿ ಧುಮುಕಿ
ಕಮಲದ ಮೇಲೆ ಮಲಗಿದೆ ನಾ
ಇನಿಯನ ನೆನಪಲ್ಲಿ
ಕೋಗಿಲೆ ಕಂಠದಿ ಹಾಡಿದೆ

ಇಂದಿನ ಲೈಫು

ಕಣ್ಣಿನ ಮಾತುಗಳು
ಮನಸಿನ ನೋಟಗಳು
ಹೃದಯದ ಭಾವಗಳು
ಒಂಥರಾ ಒಗಟುಗಳು

ಮುಚ್ಚಿಡೋ ಪ್ರೀತಿಗಳು
ಕೆಲ ಹುಡುಗರ ಮನಸುಗಳು
ಹುಡುಗೀಯರ ಮುನಿಸುಗಳು
ಒಂಥರಾ ಒಗಟುಗಳು

ರಾತ್ರಿಯಿಡಿ ಮೆಸೇಜ್ ಗಳು
ಫ್ರೀ ಇದ್ರೆ ಫೋನ್ ಕಾಲ್ ಗಳು
ಓನ್ ಲೈನ್ ಚಾಟ್ ಗಳು
ಒಂಥರಾ ಒಗಟುಗಳು

ಬಾಯ್ ಫ್ರೆಂಡ್ ತರಲೆಗಳು
ಗರ್ಲ್ ಫ್ರೆಂಡ್ ನ ಅಳುಮುಂಜಿ ಮುಖಗಳು
ಪಾರ್ಕ ನಲ್ಲಿ ಲವ್ ಕಪಲ್ ಗಳು
ಒಂಥರಾ ಒಗಟುಗಳು

ಅತ್ತ ಲಕ್ಷಕೊಟ್ರೆ ಲವ್ ಬಿಡ್ತೀನಿ
ಇತ್ತ ಪ್ರೀತಿಗಾಗಿ ಪ್ರಾಣ ಕೊಡ್ತೀನಿ
ಬೇಸತ್ತ ಪ್ರೇಮಿಗಳ ಪಾಡುಗಳು
ಒಂಥರಾ ಒಗಟುಗಳು

ಕಷ್ಟ ಪಟ್ಟು ಇಷ್ಟಪಟ್ಟೋರ ಜೊತೆ ಮದುವೆ
ಆಗುವಳು ಕಿರುಕುಳ ತಾಳಲಾರದೇ ವಿಧವೆ
ವಿಚ್ಚೇದನ ಪತಿಪತ್ನಿಯ ಜೀವಂತ ಸಮಾಧಿಯೆನ್ನಲೇ
ಇದೂ ಒಂಥರಾ ಒಗಟುಗಳು

ಹೈಟೆಕ್ ಬಸ್ಸಲ್ಲಿ ಕುಳಿತು
ಪಲ್ಸರು ಬೈಕನ್ನ ನೋಡುತಾ
ಪ್ರಿಯಕರನ ಬಯಸೋ ಮನಸುಗಳು
ಒಂಥರಾ ಒಗಟುಗಳು

ಅರ್ಥಸಲ್ಲದ ಹರಟೆಗಳು
ಕಾಲದೂಡುವ ಪ್ರೀತಿಗಳು
ನಿಜವಲ್ಲದ ಕೆಲ ಕಪಟಗಳು
ಒಂಥರಾ ಒಗಟುಗಳು

ಮನದ ಪುಟಗಳ ಕೆಳಗಿಳಿದು
ಪ್ರತೀ ಪುಟದ ನೆನಪ ಕರೆದು
ಮಿದುಳೆಂಬ ಮಿಷನ್ಗೆ ಕೆಲಸಕೊಟ್ಟು
ಬಿಡಿಸಲಾಗದೇ ಬಿಟ್ಟ ಒಗಟುಗಳು

ಕಾದು ಕರ್ರಗಾದ
ಮೇಘಮಾಲೆಯು
ಜಿನುಜಿನುಗೋ
ಜಿಟಿಜಿಟಿ ಮಳೆಯು

ಚಟಪಟ ಸದ್ದಾಗಿ
ಭೂಮಿಗೆ ಬಿದ್ದಾಗ
ಜುಳುಜುಳು ನಾದದಿ
ನದಿಯನು ಸೇರುಲು

ದಡಬಡ ಸಾಗುತಿರಲು
ಆಣೆಯಕಟ್ಟು ಅಡ್ಡಬರಲು
ಹರಿವ ದಿಕ್ಕು ಬದಲಾಗಲು
ಕಾಲುವೆ ನೆರವಾಗಲು

ನದಿ ಮಂದೆಸಾಗಿತು
ಎತ್ತರ ಜಾಗಕೆಬಂದಿತು
ನೇರ ಧುಮುಕಿತು
ಅದು ಜಲಪಾತವೆನಿಸಿತು