ಒಲವು ತುಂಬಿ ಕವಿತೆಯ ಮೂಡಿತು
ನೆನಪು ಅದರಲಿ ಪದಗಳ ತುಂಬಿತು
ಮೌನರಾಗವು ಮನಬಿಚ್ಚಿ ಹಾಡಿತು
ಅದರಾಲಾಪನೆ ಇಂದು ನನ್ನ ಕಾಡಿತು

ಕೋಟಿವರುಷದ ತಪಸಿನ ಫಲವೋ
ಎಂಟುಸಾವಿರ ದಿನಗಳ ಛಲವೊ
ಅಥವಾ ನನ್ನ ಮನದ ಒಲವೊ
ಸೆಳೆದೆ ನೀನು ಅಂದು ನನ್ನ ಮನವ

ಎಲ್ಲರು ಬೇಡುವ ದೇವರ ಬೇಡುವೆ
ಹೇಳು ನೀನು ಎಂದು ನನ್ನ ಸೇರುವೆ
ಏಕೆ ಬಂದು ನೆನಪಲಿ ಕಾಡುವೆ
ತಿಳಿಸು ತೀರ್ಪನು ಪ್ರೀತಿಯ ಸೋಲೆ ಗೆಲುವೆ

ಕೂಡಿ ಕಳೆದರೂ ಇಷ್ಟೇ ಜೀವನ
ಪ್ರೀತಿ ಸಿಕ್ಕರೆ ಮಾತ್ರ ಬಾಳು ಚೆನ್ನ
ಪ್ರೀತಿ ನೆನಪಲಿ ಬರೆದೆ ನಾ ಈ ಕವನ
ತಿಳಿಸಿ ನಿಮ್ಮ ಪ್ರತಿಕ್ರಿಯೆಯನ್ನ